Pri mi

Mi estis trejnita en art-edukado ĉe Kolegio de Supera Edukado Alexander Mackie (nun University of NSW: Art & Design), Aŭstralio. Por la plimulto de mia kariero mi laboris en la Artgalerio de Nov-Sud-Kimrio (la ĉefa muzeo de arto en Sidnejo, Aŭstralio): kiel muzea edukisto, ĉefa kunordiganto de edukaj programoj, retejestro kaj fine, kiel ĉefa kunordiganto de retaj programoj. En 2013, mi lasis la Galerion por fariĝi sendependa konsultisto pri arto kaj muzea edukado.

Miaj aliaj interesoj inkluzivas komputilan programadon (kun LiveCode), matematiko, Esperanto kaj la rilatoj inter fido, la artoj kaj ĉiutaga vivo.

Kial ‘Doctor Dada’?

Aktorante kiel Doctor Dada ĉe la Artgalerio de Nov-Sud-Kimrio

Meze de la 1990-aj jaroj, mi kreis du interaktivajn prezentojn en la Artgalerio de Nov-Sud-Kimrio: La Tempo-maŝino de Doctor Dada kaj Just Jack, la Rubkolektisto. En La Tempo-maŝino de Doctor Dada, mi fariĝis ‘freneza sciencisto’ kiu invitis vizitantojn vojaĝi image reen tra la tempo al la atelieroj de famaj artistoj. En unu parto de la prezento, unu spektanto, agante kiel akademia pentristo de la deknaŭa jarcento, kaj alia, agante kiel impresionisto, diskutis pri kio faras ‘bona arto’. En Just Jack, mi ŝajnigis esti rubkolektisto kies plej ŝatata agado estas aranĝi forĵetaĵojn sur la plankon de la Artgalerio por ke la ‘aŭtoritatoj’ (te, la direktoro, kuratoroj kaj purigiloj!) traktos ĝin kiel artaĵo, anstataŭ rubo. Por atingi tion, la stiloj de la diversaj apudaj pentraĵoj kaj skulptaĵoj estis studitaj kaj kopiitaj. Mi invitis la spektantojn helpi kaj, pere, ili lernis rekte kelkajn principojn de komponado.

Ekde tiu tempo, kiam mi estis petata fari prezenton por aliaj muzeaj edukistoj aŭ lernantaj ĉiĉeronoj, oni ofte petis min fari “Doctor Dada”, kiu signifas ion, per kio la spektantaro partoprenas amuze kaj image, inkluzive de la rubo-sur-la-planka akto. Poste, antaŭ longe, Doctor Dada iĝis speco de alia memo por mi.

Miaj aliaj retejoj / blogoj (ĉiuj en la angla)

Kontaktu min

Retpoŝto: dd@doctordada.com
Tel: +61 2 4365 4809

Leave a Reply

Your email address will not be published. Required fields are marked *